सौत्रान्तिक मार्क्सवाद (सौमा) हे तत्त्वज्ञान समजून घेताना..

सौत्रान्तिक मार्क्सवाद (सौमा) हे तत्त्वज्ञान समजून घेताना..

तथागत बुद्धानंतरचा सर्वश्रेष्ठ तत्त्वज्ञ दिग्नाग आहेत.त्यांच्या  सौत्रांतिक तत्त्वज्ञानाची जोड मार्क्सवादाला दिल्याशिवाय भारतीय मार्क्सवाद्यांची अधोगती थांबणार नाही आणि त्यांना वर्ण आणि जात या संस्थांचेही आकलण होणार नाही,असे प्राच्यविद्यापंडित कॉ.शरद पाटील नेहमी म्हणत  असत.म्हणून आपल्या "मार्क्सवाद फुले आंबेडकरवाद" या तत्वज्ञानाला मागे घेत शपांनी सौत्रांतिक मार्क्सवाद हे नवे तत्वज्ञान बहाल केले.बुद्धाची सुत्रे आणि मार्क्सचा पाया इमला तथा भौतिकवाद स्विकारत शरद पाटलांनी सौत्रांतिक मार्क्सवाद उभा केला.माणसाला डिकास्ट आणि डिक्लास बनवनारे त्यांचे तत्वज्ञान जाणीव आणि नेनीवेचा विचार मांडते .

सौत्रांतिक मार्क्सवाद

या तत्वज्ञानाला फिल्डवरती किंवा डिबेटसाठी हाताळताना काही  बेसिक्स टर्मस लक्षात घेतल्या पाहिजेत.

१.हे जात-वर्ग-स्त्रीदास्यांताचे तत्त्वज्ञान असल्यामुळे वापरताने काटेकोर पणे वापरले पाहिजे. कुठे वर्ण, सरंजामीव्यवस्थेचे किंवा भांडवलशाहीचे प्रत्यक्ष अप्रत्यक्ष समर्थन तर करणार नाहीं ना, या कडे लक्ष दिले पाहिजे.  कॉ. शरद पाटील यांनी माफुआचा विकास करून सौत्रान्तिक मार्क्सवाद (सौमा) हे तत्त्वज्ञान निर्माण करतांना काय आणि किती कष्ट घेतले आहेत, ते विसरता कामा नये.

तरीही, सौमा व्यक्तिविशेष/ हिरोईझमला  महत्व देत नाही.

२.सौमा वापरत असताना तुम्हाला समग्र क्रांतिदृष्टि प्राप्त होते. म्हणजे जात, वर्ग, स्त्रीदास्य या शोषणशासन व्यवस्थेचे अविभाज्य भाग कसे आहेत, हे स्पष्ट होईल. या तीन्ही शोषणशासनसंस्थांच्या व्यवस्थांचे गतिनियम ज्ञात होतील. एकदा का हे समजले तर त्याच्या अंतासाठी घेतलेला मार्ग हा क्रांतीमार्ग बनेल. मात्र हा क्रांतीमार्ग वनवे आहे. परतीचा मार्ग नाही. हे लक्षात घेतले पाहिजे.

३. हे तत्वज्ञान, पहिली जात्यंताची  मागणी करतो. त्यामुळे तो डॉग्मा नाही तर स्वयंप्रज्ञतेचा पुरस्कर्ता बनतो.

४.तो वापरणाराला प्रदर्शनी बनू देत नसल्यामुळे रुक्ष आहे. तो त्यागाची आपेक्षा करतो, आपण त्यागाची भूमिका घेत असाल तर वापरणे कठिण नाही.

हा प्रदर्शनीय नसला तरी, वादविवादाचे सर्वात प्रबळ शास्त्र आहे. त्यामूळे जात-वर्ग-स्त्री शोषणाच्या नियंत्यांना उघडे पाडतो.

५ सौमा 'स्त्री - प्राधान्य' महत्वाचे मानतो, पुरुषी अस्तित्व दुय्यम. आजच्या व्यवस्थेच्या शोषणपिडनाची सर्वांत जास्त प्रभाविता ही स्त्री आहे त्यामुळे तिची नेणिव ही तेवढीच पेनिट्रेटींग. समाजव्यवस्थेमधील अाभासाला भेदून वास्तवापर्यंत जाण्याची तिची क्षमता हि तेवढीच प्रखर.
म्हणून विचारातही आणि कृतीतही तिलाच प्राधान्य.

६. सौमा हा निम-सरंजामी, निम-भांडवली जात-वर्ग समाजातील उत्पादन संबंधाना बदलून अौद्योगिक भांडवली लोकशाही क्रांतीसाठी नवे उत्पादन संबंध आणू पाहतो.

७. सौमा हा जात्यंतक उद्देश घेउन भारतातील अ.जाती, अ.जमाती, इ.मागास जाती, अल्पसंख्यांकातील मागास जाती-जमाती व स्त्रीयांच्या महाप्रबोधनाचा प्रमाणिक प्रयत्न नवधम्म क्रांतीसूत्रांच्या माध्यमातून करत असतो.

8.तथाकथित बुद्धीजीवी अलीकडे जातवार मेळाव्यांत , जातवार कृतीकार्यक्रमांत अग्रभागी सहभाग नोंदवून जात्यंतक क्रांतीला फाटा देवून जातोन्न्तीला प्राधान्य देत असतील तर त्यांना सौमा जवळ घेत नाहीं.

९. हे तत्वज्ञान, सर्वकष समाज व्यवस्था निर्माण करण्यासाठी सामाजिक व आर्थिक सर्वहारा वर्गाच्या निर्मितीसाठी या जातींचे काटेकोरपणे आकलन करायला लावतो. त्या सर्वहारा वर्गाच्या निर्मितीच्या प्रक्रियेतच त्यांना क्रांतीप्रवण बनवण्याची मोहीम घ्यायला लावतो. त्यांची जानीव - नेनीव कला-साहित्याच्या माध्यमातून जातीअंतक बनवतो. दोन सर्वहारांची एकजूट घडवून आणण्याची हमी देतों.

१०. ब्राम्हणी परिपोष घेवून वावरनारे आणि सर्वहारांपासुन परात्म होणारे. मध्यमवर्गिय बुध्दिजीवी, आपले एक स्वताचे विश्व मेंटेन करणारे. जाॅन शुम्पेटर ने मांडल्याप्रमाणे, ते त्यात त्यांचे कौशल्य creative destruction ने शोषकशासकांना फायदा मिळवून देतात. त्याच्या आधारे आपले विश्व सुरक्षित करतात.

सौमा अश्या बुद्धिजीवींना दुर करतो...

मानव मुक्ती मिशन