बिड जिल्ह्यातील एका रोडवरल्या गावी रात्री नामांकित हभपचे किर्तन संपन्न झाले.रात्रीच्या जवळपास १०:३० वजाता हभपने सोबत आनलेला चेला माइकवर म्हनाला किर्तनाची सेव्हा संपन्न झालीय महाराज लगेच पुढे प्रस्थान करणार आहेत.कुनीही दर्शन घेतल्याशिवाय जावु नये.किर्तनकाराला बाजुच्या उंच ओट्यावर खुर्ची टाकुन बसवण्यात आले.आणि बघता बघता किर्तनकाराच्या दर्शनाला रांग लागली.लोक ओट्याच्या खालुन जायचे आणि उंचावर असणाऱ्या महाराजाच्या पायला डोके लावुन पुढे निघायचे.महाराजाच्या चेल्यांनी सुरुवातीला दर्शन घेवून महाराजाच्या पुढ्यात शंभर पाचशेच्या नोटा टाकल्या.नंतर जो तो दर्शन घेवून पैसे टाकून पुढे सरकायला लागला.रोडवले गाव असल्याने हॉटेले किराणा दुकाने वगैरे असा चालु घडीचा नगदी व्यावहार करणारे गावकरी यांनी महाराजाच्या पुढ्यात गुढघ्या एवढा नोटांचा ढिगारा बघता बघता उंचावर नेला.
हे चित्र दुर बसलेले गावातील आबा नावाचे ग्रहस्थ बघत होते.डोक्याला हात लावत विठ्ठला काय पहातोय रे मी म्हनत होते.तेवढ्यात एक म्हातारी महिला आबा जवळ आली आणि म्हणाली "आबा पन्नास रुपये द्या बर तोपर्यंत ? घरी गेल्यानंतर मी तुम्हाला देते."
आबा म्हनाले " कशासाठी ? "
म्हतारी म्हनाली " रिकाम्या हताने महाराजाचे दर्शन कसे घेवू , महाराजांच्या पुढे पन्नास रुपये तरी टाकते ."
आबा जाग्यावरले ताडकन उठले
आणि समोरच्या त्या किर्तनकाराला आणि जमावला ऐकू जाईल आशा मोठ्या आवाजात त्या म्हातारीला म्हनाले
" हे माझे खेटर घे आणि त्या महाराजाच्या दोन थोबाडीत मार , मागून दुसरे खेटर मारायला मी येतो "
महाराजाच्या चेल्याने धोतराच्या घोळात लगेच जमलेल्या नोटा भरल्या गाडी काढली आणि किर्तनासाठी आलेली ही हभप मंडळी बघता बघता पसार झाली.
आबांनी गावतल्या लोकांच्या समोर
संत एकनाथ महाराजांचा अभंग म्हटला
प्रत्यक्ष ती कथा जगासी माऊली l
विक्रय करिती वाहिली दोषी देखा ll
आपुलीची माता आपण भोगीता l
प्रायश्चित्त सर्वथा काय द्यावे ll
गावातील लोक खाली माना घालून निघून गेले ...
♦️♦️♦️♦️♦️♦️♦️♦️♦️♦️
ह.भ.प.धर्मकीर्ती महाराज परभणीकर
No comments:
Post a Comment